Hardanger Trebåt- og Handverksfestival
Hardanger Trebåtfestival er Vestlandet sin trebåtfestival, og går av stabelen kvart år i midten av juni. I kaigata og på Hardanger fartøyvernsenter møtest trebåtentusiastar, handverkarar og besøkande til ei helg fylt med tradisjonshandverk, musikk, marknad, opne verkstadar og godt folkeliv – midt i hjarta av Hardanger.
Om arrangementet
Festivalen legg til rette for både fagleg fordjuping og gode opplevingar for heile familien. Her kan du oppleva levande tradisjonar gjennom demonstrasjonar i opne verkstadar, høyra spennande føredrag, og slå av ein prat med både båtbyggjarar og handverkarar. Marknaden byr på eit mangfald av kvalitetsvarer innan husflid og handverk, og både trebåteigarar og handverksutøvarar blir invitert til å delta – gratis for ideelle og til rimelege vilkår for profesjonelle aktørar.
